Rematan os treballos de restauración d’o tercer trampo d’a muralla de Uesca

As obras ha reconstruyiu un espacio de 190 metros entre a carrera "Desengaño" y o colechio Sant Vicent.

L'arquitecto Luis Franco explanica os detalles d'a obra (Foto: D.Ch.A.)

L’arquitecto Luis Franco explanica os detalles d’a obra (Foto: D.Ch.A.)

Os treballos de restauración d’o tercer trampo d’a muralla de Uesca ya han rematau. L’actuación s’ha centrau en a recuperación d’os panyos d’a muralla uescana, entre o numer 102 d’a carrera “Desengaño” y o colechio Sant Vicent. As obras han contau con una inversión de 634.910  euros financiaus por o Ministerio de Fomento, o Gubierno d’Aragón y os Fundos FEDER d’Europa. Javier Callizo, director cheneral de Patrimonio y l’alcaldesa de Uesca Ana Alós, visitoron as obras o viernes en a suya devantadera a on que l’arquitecto Luis Franco les explicó os detalles.Mientres istos meses s’han feito diferents treballos, excavando a cara interior d’a muralla, reconstruyindo os muros desmontaus y fendo muros de contención de formigón. Antimás, de man d’o Concello de Uesca se fació l’esvoldregue d’a partis traseras d’as edificacions d’a carrera “Desengaño”, liberando asinas a parti d’a muralla que s’heba interveniu y a on que se ferá un nuevo paseyo.

As primers actuacions de recuperación d’a muralla prencipioron en 2007 con una chicota intervención en un trampo situau en a carrera Desengaño. En a intervención se bi incluyiba sondeus y ensayos de materials orichinals, restauración de fabricas y eliminación de vechetación parasita y excavacions arqueolochicas en o trasmuro. Dimpués, os treballos continoron con as obras de restauración d’o panyo que rematoron en 2008.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.