Renfe y o Gubierno d’Aragón plegan en acuerdos en horarios y servicios ferroviarios

O consellero aragonés Rafael Fernández de Alarcón ha plegau en acuerdos con Renfe pa millorar y fer cumplir o convenio ferroviario sinyau

imagenes_reunionrenfe_003_6ae69150

Foto: Gubierno d’Aragón

O consellero d’Obras Publicas, Urbanismo, Vivienda y Transportes de l’Executivo aragonés, Rafael Fernández de Alarcón, se reunió con o president de Renfe, Julio Gómez Pomar pa fer un poder por plegar en acuerdos dimpués d’os continos incumplimientos por parti de Renfe d’o convenio que estió sinyau fa bella semana por as dos partes.

En a reunión, Renfe acceptó buena parte d’as demandas d’o Gubierno aragonés. Entre as milloras “s’han acordau milloras en o ferrocarril entre Zaragoza y Monzón que va a salir a las 7 d’o maitín”. Tamién en o Teruel-Zaragoza, y milloras en totz os servicios entre Casp-Nonaspe-Fayón y milloras de tiempos de recorriu entre Zaragoza y Uesca”.

O primer tren Teruel-Zaragoza saldrá a las 6:33 h. d’o maitín de Teruel, y en o recorriu Zaragoza-Monzón-Binéfar-Leida, o primer tren enta Zaragoza saldrá a las 7 d’o maitín con arribada en Monzón a las 8:31 h. En totz dos casos se reducirá tamién o tiempo de viache. O recorriu entre Casp-Nonasp-Fayón tendrá o mesmo servicio que teneba antis d’o Plan de Racionalización, y Casp tendrá una tercera conexión dreita enta Barcelona. S’ha consiguiu tamién o cambeo d’o modelo de tren 596 por o 592 en a linia Zaragoza-Teruel, un tren mas potent y mas veloz (plega dica 160 km/h). Tamién se ferán milloras en a estación de Uesca, con a construcción d’un nuevo andén.

Respective a o transporte de bicicletas en os trens, Renfe ha retirau o pago de 3,20 euros por levar-las-ie dimpués de l’ixambre de queixas d’usuarios ciclistas asinas como d’asociacions como o Colectivo Pedalea u Huesca en Bici, por o que agora irán de baldes como siempre, a lo menos en as linias Zaragoza-Teruel y Zaragoza-Chaca-Canfranc.

Manimenos, encara no queda clara a reducción de tarifas en a linia Zaragoza-Teruel y en os AVE que substituyan a os Avant en Calatayut, reduccions que incluirían os servicios d’alta velocidat de Zaragoza y Uesca. A reestructuración d’a linia Zaragoza-Calatayut y a situación d’os Avant y AVE tampoco no queda clara y se continará negociacions en istos aspectos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.