Replega de vocabulario d’os dances monegrinos

O blog “Os Monegros“, que entre atras cosas, preba de recullir os repuis de lexico aragonés en a redolada d’os Monegros ha publicau una replega de parolas aragonesas que remanen en os textos d’os dances d’a redolada. O texto se puede baixar de gufanya dende o propio blog. A replega rechira por entre a gran esprisión artistica, cultural y tradicional d’os dances, que son o mayor vehiclo de transmisión oral d’a cultura popular d’Os Monegros.

Iste documento s’adhibe a un atro sobre a toponimia,  un estudeo feito tamién por l’autor d’o blog, que analisa os nombres d’os lugars d’a redolada, comprebando a gran cantidat de nombres propios en aragonés. Os tribellos d’o blog s’han feito, seguntes o propio autor “ta la fin d’afondar en a realidat lingüistica de l’aragonés en Os Monegros” y que encara ye viva en a tradición oral d’a zona.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.