Replega leva o coleccionismo ta Monzón

Os diyas 1 y 2 de setiembre o recinto ferial aculle ista gran trobada de coleccionistas.

cartelA Feria d’o Coleccionismo Popular y Cheneral, Replega 2012, plegará en Monzón os diyas 1 y 2 de setiembre. A debantadera oficial se ferá o maitin d’o sabado. Mientres tot lo diya se ferá cambio libre contino, a presentación oficial d’o sello conmemorativo, a dentrega de piezas conmemorativas y a debantadera d’as exposicions.

Tamién o sabado, se ferá a II Trobada Internacional de Coleccionistas de Pins. De nuetiz bi habrá una cena popular  y se dentregarán os premios t’a la entidat que treballe por a promoción d’o coleccionismo, t’a colección más innovadera, y t’o club asistent que vienga dende más luen.

Ista anyadas se presentan as coleccions “Cine y Ferrocarril” de Joan Solé Molins y Antoni Nebot, “Grifos”, de Vicente Colomina, “Futbol” d’o museu d’o Futbol de Monzón, “Imanes” de Ana Royo, “Aragón en la filatelia”, de Salvador Alriols, “Bonsais”, de Arturo Valenzuela Godina, “Pegatinas de Picasso y el Guernica”, de Chorche Paniello y “Perfumes en miniatura”, de Cristina Royo

En a chornada d’o domingo, antimás de continar con o libre cambio contino, se ferá a IX trobada de coleccionistas de placas de cava con a dentrega de placas y venda de botellas, a XI trobada de coleccionistas de marca libros, y a IV Concentración de vehiclos clasicos “Ciudat de Monzón” en o recinto ferial. O programa completo se puet consultar en www.ifm.es.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.