Reprenen os treballos de l’entibo de Mularroya

A obra ye qüestionada por organizacions politicas, socials y ecolochistas

Daniel Sanchez

mularroyaO Ministerio d´Agricultura, Alimentación y Medio Ambient espanyol ha represo a construcción de l’entibo de Mularroya dimpues de que o Gubierno espanyol declarase d´intrés cheneral a obra y de que o zaguer aviento estase aprebau unatro prochecto conforme a los alazetz d’a nueva Declaración d´Impacto Ambiental.

No i hai que ixublidar que iste prochecto afecta a arias d’a Red Natura 2.000, zonas Zepa, Foces d’o Exalón, etc. No i hai en a evaluación d´impacto ambiental midas suficients pa correchir os efectos irreversibles que prevocarán as obras prochectadas. A zaguera declaración d´intrés publico exime d’istas correccions.

A construcción de l´entibo de Mularroya ha teniu muitos reveses chudicials que han aturau as obras. Antimás a Comisión Europea instó a lo Gubierno Espanyol a no encomencipiar unatra vegada las obras.

Sindembargo, uno dos puntos mes frachils de Mularroya ye lo pre que as explotacions agrarias habrán de pagar per l’augua d´iste entibo. Seguntes a “Fundación Nueva Cultura del Agua”, con o caudal d’o Exalón e la capacidat d´o tunel de trasvase, estando optimistas s’empliría como muito un 51%. Con as hectarias d´o prochecto, os agricultors habrían de pagar 1.300 euros per hectaria e anyada.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.