Rescate de peixes en a Uerva

Milenta peixes son en periglo por o baixo ran d'as auguas

Tecnicos d’o Departamento de Agricultura, Ganadería y Meyo Ambient d’a D.Ch.A. han habiu de fer un rescate masivo de peixes en a Uerva.  L’actuación s’ha feito entre os entibos de As Torcas y Mezalocha, debant d’o periglo de que a os peixes se les acotolase l’oxicheno en haber-ie tan poqueta d’augua. Os exemplars son estaus levaus ta partis d’o rio con más augua.

Ya o pasau 22 de setiembre apareixioron en Tosos un fascal de peixes muertos. Alavez a Confederación Hidrografica de l’Ebro sacó os peixes muertos y levó t’atras partis d’a Uerva a os que encara viviban.

A situación en o entibo de Mezalocha ye critica. S’ha planteyau de fer un desembalse en caso de que baixase mesmo mas o ran de l’augua y bi hese risque d’unatra mortandat. Os tecnicos son comprobando terne que terne o ran d’oxicheno de diferents partis d’a Uerva ta si calse actuar.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.