Restriccions d’augua en L’Aínsa

Entibo de Mediano. (Foto: CHE)

Entibo de Mediano. (Foto: CHE)

O concello de L’Aínsa ha demandau a os vecins que paren cuenta en o consumo d’augua mientres contina sin plever. A situgación d’os entibos en a zona no ye guaire buena. L’entibo de Mediano ye a un 18% d’a capacidat, y o de Lo Grau puya una mica d’o 43%. A manca de plevias afecta tamién a pozos y acuiferos que tamién son perdendo a suyas reservas.

En L’Aínsa, a ixuquera ya ha feito efecto en os pozos, y con ells a os depositos que distribuyen l’augua. O Concello s’ha visto obligau a avisar a os vecins que recomienda (u mesmo vieda) emplegar augua potable ta regar u emplir piscinas.

A regulación ha plegau a os lugars de Cherbe, Banastón, L’Aínsa, Moriello de Tou y mesmo dica Camporrotuno, pero encara no s’han amenistau cubas d’augua ta emplir os depositos.

Fuent: http://sobrarbenses.com/2011/10/02/la-sequia-empieza-a-notarse/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.