Reunión en Nueno d’o Rete Pirinenco de Centros d’Interpretación d’o Patrimonio

http://www.comarcas.es/index.php/mod.noticias/mem.detalle/idnoticia.6597/relcategoria./chk.c2776f6a10c408d13276c02191429d0b.html

(Foto: www.patrim.eu) 1- Castell de Seix, Centre d'interpretació del patrimoni de les valls del Couserans. 2. Ecomuseu del Valls d'Anéu, Esterri d'Anéu. 3- Centro de Interpretación de Ramón y Cajal, Ayerbe. 4- Museo Larrey, Beaudéan. 5- Centro de Interpretación del Agua, Albelda. 6- Casa de Soursso, Mauléon-Barousse. 7- Centro de Naturaleza y Cultura Salto Roldán, Nueno. 8- Casa Pirinenca de Pastoralismo, Azet.

 

O Comité de Pilotache d’o Rete Pirinenco de Centros d’Interpretación d’o Patrimonio tien previsto trobar-se hué, lunes 9 d’aviento, en o Concello de Nueno. Iste prochecto de cooperación transmuguerizo aculle a ueito centros d’os estaus espanyol y francés y cuenta con o refirme d’o Programa de Cooperación Transmugueriza Interreg 4A- Poctefa.

A trobada contará con a presencia d’os alacaldes d’os municipios altoaragoneses de Nueno, Albelda y Ayerbe, asinas como con representants de l’Ecomuseu de les Valls d’Aneu en Lleida y d’as Communes de Seix, Mauleon-Barousse, Beaudéan y Azet en Midi-Pyrénées. Mientres a trobada s’abordarán esferents aspectos d’a chestión d’o Prochecto de Cooperación en o que ye treballando lo Rete y se dará encete a os treballos ta elaborar un Plan de Marketing que aduye a os socios d’o Prochecto a prener decisións ta una millor chestión tanto en o nivel local como en o marco d’o treballo de conchunta en o seno d’o Rete Patrim.

O Rete Patrim naixió en l’anyo 2008, con l’obchetivo d’amillorar a cooperación d’entre territorios rurals a totz dos costaus d’os Pirineus arredol d’o Patrimonio Cultural. Todas as entidatz que fan parti d’o Rete cuentan con un Centro d’Interpretación d’o Patrimonio. Bells d’ellos con prous anyos en funcionamiento y atros, como lo Centro de Sabayés, que ye a punto d’encetar a suya actividat.

Mientras os anyos de vichencia d’o Prochecto, o Rete Patrim ha treballau en esferents aspectos t’amillorar a formación d’os risponsables y tecnicos d’os diversos Centros d’Interpretación, asinas como en amillorar as suyas instalacións y en a implantación de modelos de chestión sostenible d’os Centros d’Interpretación.

Fuent: D'os ueito municipios que fan parti d'o rete, tres son en Aragón.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.