Riot Propaganda actuará en Zaragoza antis d’esfer-se

A colla tanyerá as suyas cantas y tamién temas de Habeas Corpus y Los chikos del maíz

cartelRiot Propaganda, o prochecto mosical que prencipió fa tasament un anyo, y que une a las collas Habeas Corpus y Los chikos del maíz, actuará en Zaragoza antis d’esfer-se, como han anunciau os suyos components. O concierto será o venient sabado 9 de noviembre en La Casa del Loco.

A colla nomás cuenta con un disco de ueito temas, encara que en directo tamién sonan temas de Habeas Corpus y Los chikos del maíz, muitas de ellas, verdaders himnos ta muitos d’os suyos fans. A mosica suya barracha os estilos d’as dos collas, chuntando rap, rock y hardcore.  Riot Propaganda, en primeras naixió ta fer bells pocos conciertos, pero a escape, y debiu a l’exito que son tenendo, les surtioron nuevos compromisos por tot l’estau. Ista será a primer, y probablement zaguer, vegada que tanyan en Aragón. En rematar l’anyo, as dos collas ya han anunciau que esferán Riot Propaganda y tornarán a treballar en os suyos prochectos; Los chikos del maíz, en o suyo nuevo disco “La estanquera de Saigón”, que publicarán en 2014, y Habeas Corpus en a chira d’o suyo vinteno cabo d’anyo.

As letras de Riot Propaganda son a-saber-lo de comprometidas politicament, tractando toda mena de temas, muitos d’ells de tot de actualidat. Se i amuestran bien criticos con toda la clase politica y os cuerpos y fuerzas de seguridat de l’estau. Isto les ha levau a tener bells problemas en concellos, a on que asociación de dreita han prebau de censurar-les, y a tener menazas de collas d’extrema dreita.

Antimás, antis d’o concierto, a las 18:30, Nega, un d’os components de Los chikos del maíz, presentará o libro “¡Abajo el régimen!”, feito entre ell y o presentador de TV Pablo Iglesias. A presentación será en a Librería La Pantera Rossa de Zaragoza,

 

Fuent: http://www.youtube.com/embed/fAiJcwLIPY4

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.