Risque de lurtes en o Pirineu

A Dirección Cheneral d'Interior d'o Gubierno aragonés activa l'alerta amariella por lurtes y da una serie de recomendacions

lurtemontanya

Lurte. Foto: Biquipedia

Dica a maitinada d’iste chueves, a Dirección Cheneral d’Interior d’o Gubierno aragonés activará l’alerta amariella por risque de lurtes en o Pirineu. A gran cantidat de nieu acumulada en as montanyas, uniu a las altas temperaturas d’istos diyas fan que o risque de lurtes puye.

L’administración recomienda tener muita precaución a la hora de fer cursas en o Pirineu debiu a o risque existent, y recomiendan suspender as cursas mientres dure l’alerta u a lo menos planificar bien a ruta y seguir camins seguros.

Se recomienda d’evitar ir por laderas, con prou distancia entre os miembros d’a marcha y sin fer movimientos bruscos. Asinas mesmo, en caso de sufrir un lurte, meter-se en forma de bola, portar un panyuelo en as vías respiratorias ta evitar a dentrada de nieu y mover-se fuertement una vegada rematau o lurte ta fer hueco son as recomendacions que da o gubierno ta enfrontinar-se a ista situación en caso de que ocurra.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.