Rosa Santos, de Zaragoza t’o Senau

O PAR triga a os candidatos que irán en as listas conchuntas con o PP

Rosa Santos (PAR)

Rosa Santos (PAR)

O PAR ha feito publicos os nombres d’os candidatos suyos en as listas conchuntas con o PP t’as eleccions espanyolas. Ta o Senau espanyol la que estio candidata a alcaldesa de Zaragoza, Rosa Santos irá por a circunscripcion zaragoza. María José Burró será a primera d’a lista en a circunscripción de Uesca y en Teruel José María Fuster.

O Comité executivo d’o PAR tamién ha trigau a la esportista Teresa Perales ta ir en as listas d’o Congreso espanyol por Zaragoza. O ferá en o numero 7 por Zaragoza, que aluenya as posibilidatz reals de que pueda aconseguir l’acta de diputada.

O president d’o partiu rechionalista, José Ángel Biel, tamién ha esplanicau que o partiu podra trigar bells ripresentants ta conformar un comité de coordinación con o PP ta la venient campanya electoral.

Una rispuesta a Rosa Santos, de Zaragoza t’o Senau

  1. Sarsamarcuello

    A vier si Rosa Santos arrocega un poquet más de votos que n’as municipals!

    Y asinas aproveitan os cartels que le fición antis que no se tienga que tornar de valdes ta o mundiello interpresarial.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.