Rudi afirma que os conselleros li dan “disgustos” cada maitín

Mariano Rajoy ha trancau o foro d'o PP en Zaragoza charrando d'o paper d'as diputacions provincials

A plana mayor d'o PP con a presidenta d'o gubierno (FOTO: PP)

Rudi con Gallardón, Cospedal y Ana Mato (FOTO: PP)

A presidenta d’o gubierno ha feito una achusta en Zaragoza por as almenistracions austeras y que retallen gastos. Tamién ha demandau que os politicos sigan os primers en “fer exemplo”. Luisa Fernanda Rudi partecipaba iste cabo semana en un foro d’o PP sobre almenistración publica, an que tamién han estau o president d’o PP espanyol, Mariano Rajoy y conselleros d’o gubierno d’Aragón, como Mario Garcés.

A presidenta tamién ha feito broma charrando d’os “disgustos” que li dan os conselleros quan diz que han trobau bells problemas creyaus por o gubierno anterior. En o foro, o consellero de Ficienda, a propia Rudi y mesmo Mariano Rajoy han charrau de re-centralizar as almenistracions ta no fer duplicidatz y facilitar a vida a os ciudadanos.

Rudi ha charrau de encetar un programa de reformas y ha acusau a la cucha de no querer a libertat individual, cosa que contrasta, seguntes a presidenta d’o PP aragonés, con o que esfiende o suyo partiu.

Mariano Rajoy, que ha trancau iste foro d’o PP, tamien ha charrau d’o paper d’as diputacions provincials, afirmando que son “as que aseguran a luz y as carreteras en os lugars”

O PSOE critica o discurso de Rudi y l’acusa de no fer o que pedrica

Dende o PSOE aragonés, o diputau en as Cortes Javier Sada, ha creticau o discurso de Rudi, y ha dito que ya ye hora que o PP s’adedique a fer o que diz y dixar-se de auditorias y comisions. Sada ha dito que o gubierno aragonés se limita a dixar pasar o tiempo dica o 20-N ta no entivocar-se en as suyas decisions y prechudicar a o PP en as eleccions espanyolas.

Una rispuesta a Rudi afirma que os conselleros li dan “disgustos” cada maitín

  1. As autonomias duplican os cargos, pero as provincias aseguran a luz y as carreteras en os lugars. Ya se pues a qui agradeixer pues por a vergonya de l’A-1205.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.