Rudi diz que «presionará» a lo gubierno espanyol ta «amillorar os presupuestos»

En os presupuestos caye un 30% a inversión en Aragón

 

A presidenta ahiere en Motorland (Foto: D.Ch.A.)

A presidenta ahiere en Motorland (Foto: D.Ch.A.)

A presentación d’os presupuestos chenerals de l’estau no ha deixau satisfeitos sisquiá a los miembros d’o PP, partiu que gubierna en Aragón y en Espanya. A presidenta Luisa Fernanda Rudi ha declarau que «presionará ta que se pueda amillorar» a partida adedicada t’Aragón.

Dende Motorland, a on yera ahiere viyendo o Gran Premio d’Aragón, Rudi reconoixió que os presupuestos presentaus no yeran los que asperaba y que, encara que sabeba que bi habría retalladas  y que a suya previsión yera que a baixada d’a inversión estase arredol d’a meya de l’estau, un 16 % y no d’o 29,64% que ye. Rudi insistiba en que yera inchusto que en Aragón se retallase más que en a meya estatal, «estando una comunidat que cumple con os obchetivos de deficit».

A oposición ha coincidiu en a critica t’os presupuestos. Dende o PSOE consideran una «faltada t’os aragoneses» y remeran tamién o cumplimiento d’o deficit. O PAR, socio de gubierno d’o PP, los ha calificau de «rebaixada» y más que más ta Teruel, que se queda sin o FITE (fundo d’inversions ta Teruel). Chesús Yuste, diputau de CHA – Cucha plural remera como, dende que prencipió a crisi a inversión estatal ha caito en Aragón un 75% acumulau.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.