Rudi fa balance d’os 100 diyas d’o gubierno PP-PAR

O gubierno de Rudi quiere restructurar as corporacions publicas y achiquir-las en un 60%

Rudi fendo balance. Foto: RobertoBDC

Rudi fendo balance. Foto: RobertoBDC

O gubierno de Luisa Fernanda Rudi ha feito huei balance d’os suyos primers cient diyas, y aseguran haber cumpliu un 60% d’o plan de choque que heban elaborau ta o discurso d’investidura.

Entre os obchectivos que o gubierno considera cumplius ye l’achiquimiento d’a estructura organica de l’executivo, con nomás que 9 consellerias, a reduccion de 80 puestos de confitanza u l’auditoria encargada ta conoixer as cuentas d’o país.

A presidenta Rudi ha asegurau que la resta d’os obchectivos, ixe 40% que manca, se’n ferá en menos d’un anyo. Entre as prioridatz importants, reestrcuturar as corporacions publicas y reducir-las más d’un 60%.

A presidenta tamién ha anunciau que en as semanas venients se metera en marcha un observatorio aragonés d’o comercio y un canal unico ta la entrenacionalización d’as interpresas, asinas como un plan de vivienda social u la redistribución de competencias d’as administracions.

Luisa Fernanda Rudi, tamién ha teniu parolas ta la TCP, por a que ha dito que continará triballando, y ta os biens d’a Francha, dimpues d’a suya reunion con o nuncio d’o Vaticano en Espanya. Frattini l’aseguro ahiere que os “biens son d’Aragón y que en 9 meses u un anyo estaran en a siede de Balbastro.

5 Rispuestas a Rudi fa balance d’os 100 diyas d’o gubierno PP-PAR

  1. Esprito aragonés

    A Rudí (y a Biel) lis aguarda o treballo de parar a opinión d’a ciudadanía aragonesa t’o nuevo PHN. Huei recentan dos meyos (l’un aragonés, l’atro murciano) que os chefes de Rudí tornarán a proposar o PHN (Plan Hidrolochico Nacional) y os suyos trescoles, como lo de l’Ebro, seguntes ha dito o vocero de Fomento d’o PP Andrés Ayala.

  2. Como deciba Hipolito Gómez de la Roces fa un trapacil d’años , talmen decadas, o trescole ye una decisión presa, son asperando lo momento más idoneo.

    L’Ebro ye un carambel ta os levantins, que no solo nos han sacau o corredor ferroviario , sino que nos quieren sacar l’augua, un d’os nuestros prenciapals recursos endochenos.

    Esta menaza continará decadas y decadas. Hemos d’educar a las nuevas cheneracions en a esfensa de l’Ebro.

    Os de o Tajo t’abaixo nos furtan os diners, os de la dreita nos quieren furtar l’augua, somos rodiaus de ladrons.

  3. Soi una persona que aima con o corazón a la chent y a la cultura de Valencia, pero si o mayor recurso d’Aragón, que ye l’augua, queda hipotecato, o esdevenidero d’ista tierra ye más que fosco. Como bien diciba en alto “Nuevo Aragón” os recursos hidricos d’Aragón (leiga-se Ebro) son un lamín a lo que no van a arrenunciar ni en suenios as comunidatz de Valencia, Murcia y mesmo Almería. Os unicos companyers de viache que podríanos buscar son a mayoría de catalans, porque Catalunya no tien una necesidat imperiosa de l’augua de l’Ebro ta las suyas comarcas orientals, y mesmo ta la chent d’o delta posibles trescoles pueden suposar a rapida regresión d’ixe delta y a fin d’o suyo futuro. Pero a Comunidat Valenciana, Murcia, Almería… se van a dexar o pelello por l’augua d’os suyos amors. Y en ixa luita o PP fará ceprén a la suya favor. Un PP que previsiblement (anque sisquiá no) gubierne os proximas anyadas.

    Pero a politica d’o PP y mesmo d’o Par ye belicherant con Catalunya (si no bi ha bel contencioso ya lo inventarán). Con Catalunya Aragón tien muitos intereses comuns, pero os nuestros politicos de dreitas son ciegos. Mesmo se lanzarán a la destrucción d’a lei de luengas, que ye una lei absolutament de minimos; pocos amigos faremos en l’Este prebando de destruyir o catalán d’Aragón.

    PP, Par… Tristura.

  4. lo PHN plegara, lo metera lo PP nacional,lo PP aragones habra de refirmarlo ( no lis quedaran mes cullons ). lo PAR habra de surtir d’o guvierno si u si ( tampoc no lis quedaran mes cullons) y veyendo como lo PP rechional asume lo trescole, lo PAR refirmara bella mocion de censura a’l guvierno d’o PP que habra de convocar nuevas esleccions, en las que no tindra tan buens resultatos 🙂 (si ya se que soniar ye de gufanya, pero mos cal soniar de cabo quan)

    • Esprito aragonés

      (si ya se que soniar ye de gufanya, pero mos cal soniar de cabo quan)…

      Nomás faltaría que os gubiernos nacional y central mos viedasen o feito de soniar… encara que caldrá bi meter ficazio, no seiga que calga bosar por cada segundo de suenio (garra estranio en istos intes d’o preto d’a crisi).

Responder a Alex Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.