Rudi reivindica en Bruselas nuevos pasos dentre Espanya y Europa

O president d'a Comisión de transportes d'o Parlament Europeu diz que fer foraus en as montanyas ye muit caro

A presidenta d'o gubierno en o Parlament Europeu

A presidenta d'o gubierno en o Parlament Europeu

A presidenta d’o gubierno ha reivindicau en Bruselas o paper d’a TCP ta las infraestructuras europeas. Y lo ha feito en clave espanyola, porque, seguntes Rudi “no se puede almitir que Espanya nomás tienga dos pasos enta Europa y separaus por 500 kilometros”.

Luisa Fernanda Rudi ha teniu a oportunidat de tresladar istes argumentos a o chefe de l’Executivo comunitario mientres un almuerzo celebrau en a siede d’o Parlamento Europeu a o que tamién han asistiu beluns d’os presidents d’atras comunidatz autonomas espanyolas.

En a trobada Rudi tamién ha feito plegar a Barroso a necesidat que l’Eixe 16 siga contacto con a calificación de “caracter prioritario”, mientres que en a nueva propuesta d’a Comisión baixo a categoría de Ret Basico.A presidenta ha asegurau que “aspera que a posible introducción d’atros corredors no supose que o d’a TCP, incluiu en os retz transeuropeos dende l’anyo 2000, pueda salir d’as mesmas”. En iste sentiu, a propuesta aragonesa ha trobau un nuevo refirme en Navarra, ya que a suya presidenta Yolanda Barcina, s’ha sumau a comunidatz como Extremadura, Castilla-La Mancha, Madrid y Andalucía que refirman o trazau por o Pirineu aragonés.

O president d’a comisión de transportes d’o Parlamento europeu achusta por o Mediterranio

Sin dembargo, y a una semana que a Comisión europea faiga publica una decision más platera sobre o refirme a un d’os dos retz de conexións, o president d’a comisión de transportes d’o Parlamento europeu, o o Brian Simpson, ha amostrau a suya preferencia por a conexión mediterrania. En una entrevista con ACN, (Achencia Catalana de noticias), Simpson ha asegurau que fer foraus en as montanyas ye muit caro, mientres que ha afirmau, tamién que ye “imprescindible” fer posible o corredor mediterranio.

O diya 19 d’octobre a Comisión Europea ferá publica a decisión sobre financiación d’os nuevos retz d’infraestructuras.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.