Rudi ufre un pacto a o PSOE ta salir d’a crisi de conchunta

A presidenta ha afirmau en plen extraordinario que o país se troba en un inte embolicau cuanto a afers economicos y de financiación.

A presidenta en as Cortes (Foto: D.Ch.A.)

A presidenta en as Cortes (Foto: D.Ch.A.)

Cooperar ta salir d’a embolicada situación a on que son Aragón y Espanya. Con iste obchetivo, a Presidenta ha ufierto un pacto a lo secretario cheneral d’o PSOE en Aragón, Javier Lambán, sobre os presupuesto d’o país. Luis Fernanda Rudi, en nombre d’os dos partius que refirman o Pacto de Gubernabilidat, ha repetiu que “cal pasar d’as parolas t’os feitos y chitar un mensache esclatero de responsabilidat t’a sociedat aragonesa. Os politicos hemos de treballar, no por o intrés d’o partiu, so que ta empentar d’entre totz a Aragón”.

Luisa Fernanda Rudi ha remerau mientres a suya charrada en o plen extraordinario d’as Cortes que vivimos un inte embolicau, sufrimos una situación d’emerchencia, y por ixo, cal endrezar-se t’a sociedat aragonesa d’una traza esclatera y transparent y dicindo a verdat sobre l’inte a on que nos trobamos, indica o gubierno d’Aragón en a suya nota de prensa. “Nos calen tiempo y financiación y no nos ne dan os mercaus. Os recursos publicos son limitaus porque a replega de diners ye cayendo y as fuents de financiación son trancadas”.

A presidenta ha feito una clamada a la “leyaltat institucional”. “O nuestro sistema constitucional funciona a pur de leyaltat entre as diferents administracions y en iste inte cal que inviemos un mensace univoco enta l’exterior. Ye menister meter en valor o mensache de que cal fer un poder ta salir d’a crisi. Totz, gubierno y oposición hemos d’estar exemplars”, ha dito.

Fuent: Gubierno d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.