Rusia acusa a EE.UU. d’achustar mercenarios ta blincar-se a lei

Blackwater, una companyia militar privada, ye embrecada en a muerte de 17 civils iraquis.

Erik Prince, fundador de Blackwater (Foto: Wikipedia)

Erik Prince, fundador de Blackwater (Foto: Wikipedia)

O comisionau de Dreitos Humans d’a Cancellería de Rusia, Konstantin Dolgov, demandó o martes a lo gubierno d’os Estaus Unius d’America que leve a chuicio a los miembros d’a interpresa militar privada norte-americana, Blackwater, embrecaus en a matanza de 17 civils iraquis: “Hemos de decir que, a tamás d’a experiencia ufrida por a companyía Blackwater, o departamento d’Estau y Esfenda norte americano contina achustando especialistas ta fer a “faina bruta” en zonas de conflictos armaus, afirma Dolgov.Moscú denunció que os EE.UU. achustan interpresas privadas de mercenarios ta blincar-se a lei internacional y empachar d’estar condenau por violar as normas d’o dreito internacional humanitario. Reveló tamién que Washington suspendió o proceso chudicial contra Blackwater que prebó de retocar a lo ministerio d’Interior de Iraq ta que rematasen as suyas investigacions sobre a matanza.

“Ista companyía prebó de pagar un millón de dolars (bells 750.ooo euros) ta conseguir una licencia ta treballar en Iraq y ta bloqueyar as investigacions d’a chusticia iraquí por a muerte de 17 civils en 2007 de man de treballadors d’a interpresa”, declaró.

D’a mesma traza, expresó a suya asperanza de que as autoridatz norte-americanas prengan as midas adeqüadas ta castigas a los culpables en o caso de Blackwater.

En setiembre de 2007, os achents de Blackwater matoron 17 civils y lesionoron a atros vinte, quan cusiraban una caravana de l’embaixada norte americana en Bagdad, capital iraqui, con o pretexto de creyar condicions de seguridat.

Fuent: http://noticies.sirius.cat/2012/08/russia-acusa-eua-de-contractar.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.