Rusia apreba a intervención militar en Crimea

Rusia ninviará tropas ta Crimea y Obama advierte a Rusia d'os "costos" d'a intervención armada

Blindaus d'o exercito ruso. Foto: http://picasaweb.google.com/andrew.zorin (CC-BY)

Blindaus d’o exercito ruso. Foto: http://picasaweb.google.com/andrew.zorin (CC-BY)

O Consello d’a Federación Rusa (senau), a demanda d’o president ruso, Vladimir Putin, ha aprebau unanimement ninviar tropas ta Ucraína con l’obchectivo de “asegurar a seguridat y a integridat fisica d’os nuestros compatriotas y d’as tropas d’as Fuerzas Armadas que se troban en o territorio ucrainiano, en a Republica Autonoma de Crimea”. O numero de soldaus podría estar en uns 6.000.

Crimea ye una republica autonoma dentro d’Ucraína, con gran presencia de población rusa, amás d’a Flota d’o Mar Negro de Rusia. O primer ministro de Crimea demandó aduya a Vladimir Putin pa restableixer a paz, dimpués de bell intento d’asalto a edificios gubernamentals istos diyas. Dende Rusia confitan en que a comunidat intenacional faiga presión sobre o nuevo gubierno d’Ucraína pa que a situación torne a la normalidat.

Entremistanto, o president d’os Estaus Unius, Barack Obama, advirtió a Rusia sobre “os costos de qualsiquier intervención militar en Ucraína“. As parolas d’Obama han provocau que i haiga voces en Rusia que demanden a retirada d’o embaixador ruso en Washington. Manimenos, encara no s’ha preso garra decisión. O consello de seguridat d’a ONU se reunirá hue pa debatir a situación en Ucraína.

En qualques ciudatz d’o sudeste d’Ucraína se succede manifestacions prorrusas, mesmo metendo banderas rusas en edificios. En Jarkov i hai enfrontinamientos y mesmo disparos. O president ucrainiano en funcions, Oleksander Turchinov, ha convocau una reunión d’emerchencia con as fuerzas de seguridat pa tractar a situación y o ninvio de tropas rusas ta Crimea.

Una rispuesta a Rusia apreba a intervención militar en Crimea

  1. Pingback: Rusia apreba a intervención militar en Crimea » AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.