Rusia concede un anyo d’asilo a Edward Snowden

L'exanalista d'a CIA habría saliu de l'aeropuerto de Moscú, a on yera dende feba un mes

E. Snowden. Foto: Laura Poitras / Praxis Films (CC-BY 3.0)

E. Snowden. Foto: Laura Poitras / Praxis Films (CC-BY 3.0)

Rusia ha concediu a l’exanalista d’a CIA Edward Snowden, acazau por os Estaus Unius por revelación de secretos, un anyo d’asilo. Snowden, que feba un mes que yera en l’aeropuerto d’a capital rusa aguardando que se resolvesen as suyas solicitutz d’asilo politico en uns quantos países, n’ha saliu pa dirichir-se enta Moscú.

L’asilo politico temporal concediu por as autoridatz rusas, l’ha confirmau o representant legal de Snowden, Anatoli Kutxerena: ‘Le plego d’entregar os papels d’o Servicio d’Immigración ruso. Son os que amenista pa deixar a zona de transito [de l’aeropuerto]’.

En un prencipio, quan Snowden plegó de Hong Kong a l’aeropuerto de Moscú fa un mes, se pensó que a capital rusa solament yera una escala pa volar, mas tarde, enta bell país sudamericano, como Equador u Cuba. Pero en chuliol, Snowden optó por pedir l’asilo temporal en Rusia, un estatus que le permitise de vivir y treballar en o país entre un anyo.

Snowden, de trenta anyos, ye acusau en os EE.UU. d’espionache y qualques delitos por haber revelau a existencia de programas de vichilancia electronica mundial. Plegó en Rusia o 23 de chunyo y dende alavez se trobaba en a zona de transito de l’aeropuerto, porque le heban anulau o pasaporte norteamericano.

Fuent: http://www.vilaweb.cat/noticia/4137100/20130801/russia-concedeix-any-dasil-edward-snowden.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.