Sacan una pancarta de l’IES Pedro de Luna de Zaragoza

A Dirección Provincial d'Educación obliga a sacar una pancarta de refirme a la educación en l'IES Pedro de Luna de Zaragoza.

(Foto: Arainfo)

En menos de 24 horas, a Dirección Provincial d’Educación ordenó sacar a pancarta con o lema “Educación Publica Sí, Retalladas No”. A comunidat educativa de l’instituto Pedro de Luna decidió democraticament manifestar-se con una pancarta en a suya frontera a favor d’a educación publica y en contra d’as retalladas que estió retirada o pasau miercols por orden d’a Dirección Provincial d’Educación.

 

A decisión de colgar a pancarta estió proposada y aprobada de traza mayoritaria por o Claustro de Profesors, s’informó dimpués a o Consello Escolar de l’instituto o 3 de noviembre y en garra caso a proposá topó con obcheccións en a propia comunidat educativa. A pancarta se colgó o martes en a frontera d’o centro educativo y en menos de 24 horas s’ordenaba a suya retirada.

 

O personal docente de l’instituto Pedro de Luna ye sorprendiu e indichnau en considerar que a ida y as trazas de Dirección Provincial atentan contra la libertat d’expresión y chocan de cara con as valors y as senyas d’identidat que esfende o proyecto educativo d’o centro.

 

A proposa se desvinvuló dende l’encete de tot partiu politico y sindicato, y se presenta como una muestra de solidaridat con a situación de retalladas, privatización, y intromisión de valors de mercau en o campo d’a educación que vienen padexindo de traza severa atras comunidatz. Asinas mesmo, buscaba a más de respaldar a o Movimiento de Docents por a Educación Publica en Aragón (tamién apartidista) y que tien un manifiesto que se puet consultar en o suyo blog.

 

D’atra man, l’Asambleya Intersectorial por a Educación Publica (alumnos d’amostranzas meyas, universitaires y docents) ha mostrau o refirme incondicional a ista reivindicación de l’Asambleya de Profesorau, Familias y Alumnau de l’IES Pedro de Luna.

Fuent: http://arainfo.org/2011/12/obligan-a-retirar-una-pancarta-de-apoyo-a-la-educacion-en-el-instituto-pedro-de-luna-de-zaragoza/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.