Santisteve confita en lograr l’apoyo de PSOE y CHA ta estar alcalde de Zaragoza

Eloy Suárez ha ofriu l'alcaldía a Carlos Pérez Anadón, qui la ha refusada. Pedro Santisteve y Luisa Broto han compareixiu en rueda de prensa hue

Pedro Santisteve y Luisa Broto, en una foto d'archivo. Foto: @arainfonoticias

Pedro Santisteve y Luisa Broto, en una foto d’archivo. Foto: @arainfonoticias

Pedro Santisteve ha amostrau a suya confitanza en plegar en un pauto con PSOE y CHA t’a suya investidura y ha qualificau de “apatusca maniobra desestabilizadora en plenas conversacions entre as fuerzas de progreso d’a ciudat” a ofierta d’o PP a o candidato d’o PSOE Carlos Pérez Anadón d’emparar-le como alcalde y formar un gubierno de coalición.

Santisteve ha sinyalau que “talment o PP preba con ella d’aconseguir o que no ha aconseguiu en as urnias entre os dos zaguers mandatos”.

Pérez Anadón ha descartau a propuesta d’o PP y ha asegurau que siguetreballando por un gubierno progresista en a ciudat”. En iste sentiu, Santisteve ha respondiu: “Nos sorprende a tibieza d’Anadón en l’anterior rueda de prensa. Nusatros somos conscients d’a nuestra responsabilidat”.

Hemos deixau claro quál ye o nuestro programa, s’ha comprobau que i hai gran compatibilidat con PSOE y CHA”, ha recordau o candidato de Zaragoza en Común ta adhibir: “a estabilidat de gubierno ye posible por a permanent disposición a o dialogo y puntos de programa compartius con CHA y PSOE”.

En a rueda de prensa, Luisa Broto ha explicau que asperan una “rapeda” respuesta d’o PSOE y de CHA a o documento que les han remitiu ta que ista situación d’incertidumbre s’esclareixca d’una vez”, y “iste sabado i habrá una asambleya d’a plataforma politica ta evaluar as conversacions”.

Fuent: http://arainfo.org/2015/06/pedro-santisteve-eloy-suarez-pretende-conseguir-con-esta-torpe-maniobra-desestabilizadora-lo-que-no-le-han-dado-las-urnas/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.