S’apresta una “liberación” de más de 2000 libros en a Plaza d’o Pilar de Zaragoza.

O 30 d'abril a Fundación "El Tranvía" celebra o diya d'o libro, con a liberación de más de 2.000 eixemplars y atras actividatz de fomento d'a lectura y o Bookcrossing

cartelO venient 30 d’abril más de 2.000 libros serán “liberaus” a partir d’as 18:30 en a Plaza d’o Pilar de Zaragoza. Ista actividatz ta fomentar y fer conoixer o Bookcrossing ye aprestada por a Fundación El Tranvía que treballa en Zaragoza, con a enchaquia d’o diya d’o libro.

Antes d’a liberación, se ferán actividatz relacionadas con a lectura. Dende o maitin se prencipiará una escultura de más de diez metros y se irá escribindo, con libros de bookcrossing a parola LECTURA por tierra. De tardes, todas las personas que sigan colaborando con a Fundación El Tranvía en l’evento saldrán con carros y mochilas plenas de libros ta ir publicitando a liberación por a ciudat. En a Plaza d’o Pilar se chuntarán con as entidatz colaboradoras: a Biblioteca de Chovens Cubit, a Casa d’a Chovenalla d’As Fuents y Bookcrossing Spain.

Con ista actividat, os organizadors quieren “espardir cultura de baldes, antimás de comprometer-nos con l’evielle de libros, apostando por un consumo responsable”. “Un libro que ya m’he leyiu, que lo tiengo en o repalmar, le puet fer honra a atra personas”, adhiben.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.