Sarkozy y Merkel presentan a suya Europa de dos velocidatz

O nuevo tractau podria ser sinyau nomás por os 17 paises d'a Eurozona

Sarkozy y Merkel en a trobada en París

Sarkozy y Merkel en a trobada en París (Foto: REGIERUNGonline/Denzel)

Como se veniba dicindo istos zaguers diyas, a trobada entre Nicolas Sarkozy y Angela Merkel ha consagrau una postura comun de Francia y Alemania ta un nuevo tractau d’a Unión Europeya. En ixe nuevo tractau se castigaria a os paises que se salisen d’o deficit d’un 3% d’o PIB, se refusaria un marco comun de bonos de deuda, os clamaus eurobonos, y os sinyants habrian de someter-se a o control d’a Unión en os suyos presupuestos, encara que mantendrian a suya independencia presupuestaria.

En o marco d’a trobada, Sarkozy y Merkel han confirmau que a suya achuga ye por una Europa de dos velocidatz, entre qui quiera dentrar en iste nuevo marco (probablement, os paises d’a zona euro) y os que no en quieran. Os dos liders tamién han sinyalau que en iste nuevo tractau puestar no s’amenistase unanimidat y que se podesen aprebar sancions u decisions por o 85% d’os votos.

Sarkozy y Merkel levaran ista proposa a os Consello Europeyo que prencipia iste viernes.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.