School Zaragoza podría puyar t’a división d’honor de tenis mesa

L'equipo ha feito una sobrebuena temporada

Belunas d'as chugadoras (Foto: School Zaragoza)
Belunas d’as chugadoras (Foto: School Zaragoza)

O School Zaragoza se chuga, iste cabo de semana, puyar t’a división d’honor femenina de tenis de mesa. A fase de puyada se chugará en o pabellón de l’IES LaAzucarera de Zaragoza, con o club aragonés como organizadors d’a chornada.

En estar campeón d’a suya colla, Scholl podrá puyar por a vía rapeda si ganase o partiu que chugará o sabado a las 16:00. Encara que perdese, tendría una atra oportunidat si ganase o partiu d’o domingo a las 11.00 a qui hese ganau a baralla entre o Puertollano y o Manufactorías Antonio Mendoza de Santander.

T’a ista fita, o Scholl ha convocau cinco chugadoras: Claire Noel, Marina Terrado, Paula Terrado, Elena Lozano y Irene Gómez, dirichidas por os tecnicos Ricardo Pérez y Jorge Gambra.

L’equipo aragonés ha rematau a ligar regular con 13 victorias y nomas una redota, estando asinas o millor equipo d’as tres collas d’a Primer División. De puyar-ie ista sería a primer vegada que lo conseguise, encara que l’equipo masculino d’o School sí que chugó fa cualques anyadas en Super y en División de Honor.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.