Schumacher torna a deixar a Formula 1

Marchará en rematar o mundial. Ya heba tornau en 2009 dimpués de tres anyadas aluenyau d'a F1

Schumacher en o GP Canada 2011 (Foto: Wikipedia)

Schumacher en o GP Canada 2011 (Foto: Wikipedia)

Michael Schumacher, o kaiser d’a Formula 1, anunció ahiere dende o circuito de Suzuka (Chapón) que, en rematar o mundial 2012 deixará iste esporte. Lo fa dimpués de haber tornau t’os circuitos en 2010 con MercedesGP y de haber deixau o volante de Ferrari en 2006.

O piloto aleman será sustituyiu l’anyad venient por Lewis Hamilton, qui ye agora en McLaren, que acompanyará a Nico Rosberg. Ye precisament iste, actualment o suyo companyer, qui ha feito con o mesmo auto unos numers muito millors que no pas Michael, qui ha feito nomas 43 puntos debant d’os 93 de Nico.

Encara que a tornada de Schumacher no ye estada precisament brillant y, de feito, ha teniu bella polemica por bella acción, como a que tenió con Barrichello en o GP Hungría de 2010, ixo no puet fer ixublidar toda una trachetoria de trunfos y de unos numers que lo han levau a estar un d’os millors pilotos d’a historia d’a Formula 1. Schumi ganó siet mundial: dos con Benetton en 1994 y 1995 y atros cinco con Ferrari de 2000 a 2004. Se retirará habendo corriu en más de 300 GP’s y habendo ganau más de 90.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.