Scientificos niegan as supuestas enrestidas de vueitres contra animals vivos

Denuncian una caza de bruixas contra os vueitres

Voleta (Foto: Víctor Álvarez)

Voleta (Foto: Víctor Álvarez)

Bells scientificos han denunciau lo que califican de ‘caza de bruixas’ contra os vueitres en un articlo publicau en a revista ‘Nature’. I preban de desmentir as enrestidas contra animals vivos que bellas personas, más que más, ganaders, vienen denunciando dende fa bellas anyadas.

Os scientificos han estudiau más de mil casos de denuncias entre 2005 y 2010 en País Vasco, Navarra, Aragón y Catalunya. En o 70% d’os casos se comprebó que l’animal enrestiu yera muerto antis de que plegase o vueitre. Deixan platero que os vueitres no se son fendo cazataires y que continan minchando nomas que carnuz. Tamién i alertan sobre o periglo que suposa os alparceyos tan estendillaus entre os ganaders y a puyada de casos de enverenamiento d’os vueitres.

Istos feitos son pasando dende que, fa una decada, a Unión Europeya viedase de deixar os calabres d’os animals por tierra en muladars por miedo a la espardidura d’a malotía d’as ‘vacas barrenadas’. Dende alavez os vueitres han habiu de fer-se más agudos y bella vegada han enrestiu contra betiellos naixius muertos u contra animals que, encara que vivos, yeran en as tres pedretas.

L’articlo demanda que bi haiga un dialogo contino entre scientificos y ganaders y piensa que con o nuevo decreto europeu d’emplego de muladars bi ha más opcions ta que se solucione iste problema.

2 Rispuestas a Scientificos niegan as supuestas enrestidas de vueitres contra animals vivos

  1. O 70% d’os animals ya yeran muertos cuan plegoron os vueitres?

    De l’atro 30%:

    -un 10% d’o bestiar habeba consumiu estupefaciens en as zagueras dos semanas, mostrando conducta clarament autodestructiva.

    -atro 10% refusó contestar as preguntas d’a comisión scientifica.

    -un sais por ciento feba parixer que no conoixeba a luenga en que charraban os scientificos.

    -o cuatro por ciento zaguero d’as bestias yeran vestidas como putas no inte de producir-se o asalto.

    Isto no ye serio kió. Soy seguro de que entre as denuncias en habeba muitas falsas… atra cosa ye negar os cambeos conductuals d’as aves carnuzaires. Y ATRA MUITO MÁS GRAU YE CULPAR D’A CRISIS ECOLOCHICA D’AS AUS CARNUZAIRES A LOS GANADERS, QUE HAN DAU DE CHENTAR A OS VUITRES DENDE FA SIEGLOS.

    O problema tien un orichen politico, en a lechislación que mira de creyar un problema an mai no esistiba: as administración han quieto profitar economicament meyante tasas por desfer-se d’os cadavers d’o bestiar, cuan os vuitres feban un servicio muito más eficient económica, enerchética y ecolóchicament.

    Bel diya facié a prueva: les chité una uella a os ueitres y me amagué en una buxera… en 15 minutos no en quedaban que o espinazo y os galbarros… Ni Horatio d’o CSI sapría a causa d’a muerte d’ixa uella. Yo yera a 10 metros… bruuuut!

  2. En este blog hay un enlace a las necropsias de los animales supuestamente muertos por los buitres. El 70% era demostrable que los animales habían muerto antes de ser comidos por los buitres, del otro 30% no había restos suficientes para saber la causa de la muerte https://miradadelince.wordpress.com/2011/05/04/la-verdad-sobre-los-buitres-asesinos/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.