Se busca a o conductor d’un vehíclo cayiu en a Canal de Monegros en Lanacha

A persona desapareixida podría estar un choven uescano

A Guardia Civil ha localizau iste maitín o vehíclo cayiu en l’interior d’o cauz d’a Canal de Monegros en o termin municipal de Lanacha. L’auto, un Nissan Terrano, se trobaba vuedo y con as finestras baixadas, o que suchiere que o conductor podió escapar-ne. L’auto ya ha estau retirau d’a canal.

Cal que o conductor haiga estau arrocegau por a corrient tot salindo de l’auto u que mesmo haiga puesto salir d’o cauz. O cuerpo policial ye buscando bell bayo en a canal que leve a o paradero d’o conductor, pero dica agora no bi’n ha habiu resultaus.

A persona desapareixida podría estar un choven de Uesca que no regresó ahiere a casa suya. Por agora no se tienen mas datos d’a suya identidat.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.