Se busca novia t’o Torico

A plataforma ciudadana que busca novia a o Torico se concentró lo chueves en a plaza.

Un vecín s'amanó a los concentraus. (Foto: comarcas.es)

Encara que o seguimiento d’a convocatoria estió poquet, bellas personas con pancartas y disfrazadas de vaca, secundón o chueves a concentración convocada por a plataforma ciudadana que busca novia t’o Torico de Teruel.

Seguntes un d’os miembros d’iste movimiento, Adolfo Sánchez, a iniciativa surtió de traza espontanea y “ya no ye tanto lo feito de trobar una novia ideyal t’o Torico sino una traza de sacar un riso a la sociedat teruelana”.

A plataforma buscamosnoviaaltorico.com, cuenta con un perfil en o rete social de Facebook an que tien a mán de 300 seguidors, seguntes ha apuntau Adolfo Sánchez, qui tamién ha deixau platero que él no representa a garra sinya comercial y que a iniciativa “ha teniu una grand acceptación social, más que no a prevista”, y mesmo ha afirmau que se les “ha iu d’as mans”.

A la fin, Sánchez no ha confirmau si as aicións d’iste movimiento “espontaneo” continarán en l’esdevenidero, pero ha mostrau a suya satisfacción por a rispuesta d’os teruelanos

 

Fuent: http://www.comarcas.es/index.php/mod.noticias/mem.detalle/idnoticia.6627/relcategoria./chk.c0ad37846e4124d17c146384a57ece24.html

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.