Se celebra o VI Mercau d’o Mundo en o Matarranya en Torrelconte

Torrelconte aculle a seisena edición d'o Mercau d'o Mundo que organiza a Comarca d'o Matarranya con a fin de potenciar a tolerancia y eliminar prechuicios contra atras culturas y países

Dibujomundo 1Os Departamentos de Choventut y Cultura d’a Comarca d’o Matarranya organizan o VI Mercau d’o Mundo, que se ferá ista anyada en a localidat de Torrelconte iste venient domingo 9 de chunio. Iste mercau se celebra con l’obchectivo de dar a conoixer atras culturas, as qualas son convivindo con a nuestra debiu a la immigración. Se tracta d’eliminar os prechuicios y a intolerancia enta istas culturas debiu a o suyo desconoiximiento.

I habrá puestos de diversos países (Marruecos, Senegal, Perú, Bolivia, Archentina, Reino Uniu, Estaus Unius, Indonesia, Lituania, India, Rumanía, Republica Checa, Eslovenia, Rusia, Colombia y Países Baixos) amás d’asociacions locals y d’atros lugars d’o Matarranya y Aragón como ASAPS Sáhara, Convive, Cruz Roya, Asociación Aragonesa Raíces Andinas, ATADI y atras asociacions culturals, de vecins y de mullers d’a comarca.

Se ferán mientres a chornada diferents tallers, de maquillache d’o mundo, traches, matrioskas, batick, chuegos d’o mundo, modelau de chuguetz tradicionals rusos y danzas. I habrá tamién exposicions de tatuaches d’henna, mascarutas, amuletos y sobre a muller en atras culturas. Ista anyada se ferá a hora intercultural, a on as personas que i participen contarán cosas sobre os suyos países.

Mientres o diya se ferá una gymkhana intercultural ta ninos y familias, amás de fer tatuaches d’henna y gravación on-line de radio. Tamién se ferá un concurso de debuixo feito por os ninos y ninas d’a comarca.

Mas información aquí.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.