Se celebran en Barcelona as chornadas “Pirineos, camín de lenguas”

A colla de charradors O Corrinche organiza istas chornadas como punto de trobada arredol d'as luengas pirinencas: aragonés, catalán, occitano y euskera

cartelcharradaubAprofitando o quinceno cabo d’anyo d’os cursos d’aragonés en Barcelona, a Colla de Charradors O Corrinche organiza unas chornadas arredol d’as luengas pirinencas: aragonés, catalán, occitano y euskera. “Pirineos, camín de lenguas. Chornadas arredol d’as luengas pirenaicas” se plenteya como un espacio de trobada y debat entre as luengas d’o Pirineu.

Iste viernes 7 se ferá una charrada a las 19:30 h. en l’aula 0.1 d’a Universidat de Barcelona con a participación de J.Enrique Gargallo, Itziar Aduriz, Josep del Rio, Aitor Carrera, Natxo Sorolla y Xavier Tomás a on se charrará d’a situación actual d’istas luengas y os puntos en común. En rematar, se ferá una cena ta alumnos y exalumnos d’aragonés en o Centro Aragonés de Barcelona. Dimpués en o mesmo puesto, ya a las 0 h. Carles Belda, curdionista, actuará con o suyo espectaclo “Els Pirineus segons el Català de la Manxa“, con entrada de 5€.

A l’atro’l diya, sabado 8, en o salón d’actos d’o Centro Aragonés de Barcelona, actuará o Grupo de Danzas de l’Euskal Etxea y Chundarata, a las 12 h. y con entrada libre.

As chornadas cuentan con a colaboración d’a Universidat de Barcelona, o Centro Aragonés de Barcelona y l’Euskal Etxea Barcelona Centre Cultural.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.