Se celebró en Zaragoza o III Campionato Iberico de Bikepolo

Iste chicot esporte, ya centenario, suma seguidors y practicants. Zaragoza s'ha convertiu ya en un referent a livel estatal tanto en equipos como en organización de torneus

cibp2013

Foto: Daniel Gómez

O pasau cabo de semana 11 y 12 de mayo se celebró o III Campionato Iberico de Bikepolo en a ciudat de Zaragoza. Vint equipos venius dende Barcelona, Madrit, Bilbau, Vitoria, Alicant, Valencia y Zaragoza s’enfrontinoron mientres o sabado y domingo ta conoixer a los millors d’a peninsula y aconseguir una plaza t’o Campionato Europeu de Bikepolo que se celebrará iste verano en a ciudat polaca de Cracovia. O campionato tenió puesto en o colechio publico Zalfonada a on se metioron dos campos de chuego, taller d’autorreparación y puesto con bebida y mosica.

O viernes diya 10 se facio a bienplegada d’os equipos en La Cicleria Social Club. Se i explicoron as reglas y se i fació o sorteu d’os equipos en dos collas. Asinas cada equipo heba de chugar nueu partius, y os quatre primers clasificaus de cada colla pasarían ta las rondas eliminatorias finals.

O sabado y o maitín d’o domingo se chugoron as ligas de cada colla. D’os ueito equipos clasificaus, dos n’estioron zaragozanos: “Con Esos Ojitos” y “Bukaneros del Ebro” que a la fin rematoron en seteno y uiteno puesto respectivament. Cal mencionar a l’equipo “Yakuzas”, tamien de Zaragoza, que estió  l’equipo revelación d’o torneu y uno d’os suyos chugadors, Adrián, chugador revelación.

Os ganadors d’o campionato estioron “Latin Lovers” de Barcelona que chugoron a final contra “Los Manguis” tamién de Barcelona desembolicando una polida tecnica y chuego. Os tercers clasificaus estioron “Super Patxis” dende Vitoria y Barcelona.

O millor d’iste campionato estió como siempre o buen ambient y a diversión que bi habió mientres tot lo cabo de semana. A chent que i fue disfrutó de iste chicorrón esporte que cada vegada ye mas gran, y que tiene en Zaragoza a o mayor numero de chugadors de l’Estau.

– Clasificación CIBP Zaragoza 2013

1º Latin Lovers (Carrillo, Lucas, Rexo)
2º Los Manguis (Camilo, Marcos, Francesc)
3º Super Patxis (Jordi, Iban, Mika)
4º Polotov (Angelo, Jorge, Alex)
5º La N-II (Pablo Zaragoza, Hector, Pablo Barcelona)
6º Ratapolofia (Jordi, Marc, Fran)
7º Con Esos Ojitos (Juanillo, Borja, Nacho)
8º Bukaneros del Ebro (Danman, Forkus, Bodi)

M.V.P: Jorge Grow (Polotov)
Jugador Revelación: Adrian (Yakuzas)
Equipo Revelación: Yakuzas (Adrian, Hugo, Capitan A.)

Mas información en:

http://zaragozabikepolo.wordpress.com/

http://cibp2013.wordpress.com/

Una rispuesta a Se celebró en Zaragoza o III Campionato Iberico de Bikepolo

  1. Pingback: Se celebró en Zaragoza o III Campionato Iberico de Bikepolo | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.