Se constituye formalment a cooperativa que concursará ta levar o transporte urbano de Zaragoza

Os treballadors de TUZSA tenioron una reunión con o vicealcalde Fernando Gimeno

Bells miembros d'a cooperativa (Foto: Arainfo)

Bells miembros d’a cooperativa (Foto: Arainfo)

Iste miercols se constituyó legalment a Sociedat Cooperativa Urbana de Treballadors, una cooperativa de treballo feita por treballadors de TUSZA son l’obchetivo de concurrir a o concurso publico que se ferá en venients calendatas y a on que se decidirá a interpresa que chestionará o servicio urbano d’autobús en Zaragoza.

O Consello Rector d’ista Sociedat Cooperativa, tenió tamién o miercols una reunión con o Concello de Zaragoza a on que expresó a Fernando Gimeno, vicealcalde d’a ciudat, a suya preocupación por o conteniu de bells pliegos de condicions que empacharían que a nueva cooperativa podese cumplir os requisitos ta acceder a l’achuste t’o transporte de viachers. Tamién se demandó que se prolargase o plazo ta presentar a documentación, que agora mesmo remata o 28 de chinero.

A Cooperativa, que prencipió a andar t’o pasau mes de noviembre, estió empentada por representants de IA – CUT (Intersindical d’Aragón – Colectivo Unitario de Treballadors) y ubierta ta toda la plantilla de TUZSA. Entre os obchetivos d’a Cooperativa “no bi ye l’animo de lucro sino tener asegurau un puesto de treballo con condicions y chornals dignos“, seguntes aseguroron. En a presentación d’a Cooperativa que facioron o pasau 28 de noviembre tamién charroron d’atros obchetivos como amillorar os servicios, guaranciar os puestos de treballo y amillorar as condicions laborals. Por numer de socios ista nueva cooperativa podría estar una d’as más grans d’o país.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.