Se convocará vada cheneral en Euskal Herria t’o venient 30 de mayo

Será a uitena vada cheneral en País Vasco y Nabarra dende 2007. Por agora convoca a mayoría sindical vasca. Se convida a unir-se-ie a atros sindicatos

piquet

Piquet en a vada cheneral d’o 27 de chinero de 2011. Foto: www.ukberri.net

Os sindicatos ELA, LAB, ESK, STEE-EILAS, EHNE, HIRU, CGT-LKN y CNT chunto a bells 50 colectivos anunciarán una nueva convocatoria de vada cheneral en País Vasco y Nabarra t’o venient 30 de mayo.  Será ya a uitena vada cheneral en istos territorios dende l’anyo 2007 y se convertirá en a primera con Urkullu en o Gubierno d’o País Vasco.

As razons d’ista convocatoria seguntes os convocants son que “totz os gubiernos, sin matices destacables, aplican politicas extremadament neoliberals”, destacando que as reformas y retalles de dreitos laborals son continos y no aturan. Consideran que l’alternancia politica no ye prou “si a politica no cambea”, destacando as politicas neoliberals d’os gubiernos d’Urkullu y Barcina, con “presupuestos antisocials” tanto en o País Vasco como en Nabarra.

As organizacions convocants animan a la resta de centrals sindicals  ta que s’unan a ista convocatoria. Os sindicatos mayoritarios en l’Estau espanyol, CCOO y UGT (en Euskal Herria no tienen a mayoría), declaroron fa un mes que a convocatoria d’una vada cheneral no yera contemplada “por agora” a tamás d’as suyas criticas a las politicas neoliberals en l’Estau espanyol y en Europa.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.