Se disparan as malotias conchenitas y os abortos en Iraq por as armas d’a OTAN

Dende l'ataque de 2003, os naiximientos han baixau un 5%.

Imachen de Mosul, Iraq (Foto: Exercito de EE.UU.)

Imachen de Mosul, Iraq (Foto: Exercito de EE.UU.)

Un nuevo estudio titulau “A contaminación d’o metal y a pasa de defectos conchenitos en os ciudadans iraquis”, publicau en o Boletín de Contaminación y Toxicolochía Ambiental, detalla o vinclo entre l’actividat militar forana y a puyada de naiximientos con defectos conchenitos y abortos espontanios en Iraq. Publicau por una colla de scientificos, especializau en toxicolochía, asegura que as armas emplegadas en a guerra de Iraq por os EE.UU. y a OTAN han provocau una crisi sanitaria en o país.Ista investigación, publicada o domingo por o diyario britanico “The Independent”, revela una puyada sorprendent d’os defectos conchenitos entre a catrinalla iraqui concebida dimpués d’a invasión forana d’o país.

As redoladas más afectadas son a ciudat meridional de Basora y de Faluya, a bells 50 km, a l’oeste de Bagdad: Faloya invadida por as tropas d’os Estaus Unius en 2004 y Barosa por as fuerzas britanicas en 2003.

A investigación prencipiada en 2010, tien imachens de ninos iraquis naixius con defectos y anormalidatz a causa d’os metals aliberaus por as bombas y balas emplegadas en a guerra EE.UU. – Iraq.

Asinas, o Departamento d’Esfensa norteamericano ha amostrau o suyo refús a o documenta y precisa que no bi ha informes sobre a relación entre l’acción militar d’o país suyo y as malformacions en o país arabe, os defectos conchenitos y as disfuncions cerebrals.

Un atro estudio realizau en chulio de 2010 revela que o gran numer de mortalidat infantil, cancer y leucemia en a ciudat iraqui de Faluya, intensament bombardeada por fuerzas foranas mientres a ocupación norteamericana, supera as cifras presentadas por os supervivients d’a trachedia atomica d’Hiroshima y Nagasaki (Chapón) en 1945.

Fuent: http://noticies.sirius.cat/2012/10/es-disparen-les-malalties-congenites-i.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.