Se fan fuellas d’autoinculpación por os incidents d’Artieda

En refirme a las 8 personas imputadas dimpués d'as cargas d'Artieda s'han feito fuellas d'autoinculpación en refirme d'os imputaus

Manifestants y Guardia Civil en Artieda o pasau diya 10

Manifestants y Guardia Civil en Artieda o pasau diya 10

Hue en Exeya a las 11 d’iste maitín, en o chudgau d’ista ciudat cincovillesa, s’han presentau as fuellas d’autoinculpación en as que as personas que quieran pueden deixar constancia de que se las puede inculpar d’os mesmos delitos que acusan a las ueito personas imputadas dimpués d’a carga d’a Guardia Civil o pasau 10 d’octubre en Artieda.

A intención d’istas autoinculpacions, seguntes as personas que encetoron a iniciativa, ye, amás de solidarizar-se con as personas imputadas, deixar claro que qualsiquier persona que se trobase en Artieda en ixe diya, u qualsiquier atra persona que no i estase, hese actuau igual, de traza pacifica y democratica. As personas imputadas en son por cargos d’alteración de l’orden publico, lesions y atentau a l’autoridat.

Un vecín de Zaragoza y atro de Uesca ya han estau clamaus a declarar debant d’o chuez, amás d’os imputaus clamaus hue en Exeya.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.