Se fan vinte anyadas d’a primer pachina web

O fisico Tim Berner-Lee estió o suyo creyador

 

L'ordinador que se fació servir t'a primer web (Foto: Wikipedia)

L’ordinador que se fació servir t’a primer web (Foto: Wikipedia)

O seis d’agosto de 1992 en a siede d’a Organización Europea t’a Investigación Nucleyar (CERN) en os Alpes Suizos, o fisico Tim Berners-Lee publicó a primer pachina web d’a historia. L’adreza suya estió Info.cern.ch y se creyó dende un ordinador NeXT d’o CERN. A primer información que se podió leyer en linia estió sobre o mesmo prochecto d’a World Wide Web (WWW). No bi ha garra captura de pantalla d’a primer versión de todas, porque se’n facioron de cambios a escape.A ideya primera d’o prochecto yera de conectar o hipertexto en Internet con os ordinadors personals, centralizando en un solo rete que fesen servir os fisicos d’o CERN. Lo que no preixinaba Tim Berners-Lee ye dica a on plegaría o suyo prochecto.

O cierto ye que as unicas personas que realment teneban o  software d’o navegador web yeran Berners-Lee y os suyos companyers d’o CERN. Fueras d’ells, dengún no paró cuenta de que iste invento que revolucionaría o mundo yera naixiu.

No estió dica 1993, quan o navegador Mosaic estió deixau en libertat, que ista nueva tecnolochía prenió bien de rasmia y prencipió a fer-se servir en tot lo mundo.

 

Fuent: http://www.vilaweb.cat/noticia/4033109/20120806/vint-anys-naixement-primera-pagina-web.html

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.