Se muere un choven dimpués de padeixer una aturada cardiaca en estar deteniu per os Mossos d’Esquadra

O conseller d'Interior de Catalunya, Felip Puig, atribuye l'aturada cardiaca a o sobreesfuerzo por oposar resistencia a la policía. A familia ha interposau una denuncia contra os mossos.

Un chóven de Manresa (Catalunya) que padeixió una aturada cardiaca mientras una detención d’os Mossos d’Esquadra morió a tardi d’ahiere, seguntes han confirmau fuents d’o Departament d’Interior catalán. O chóven se trobaba en coma induciu en l’hespital Sant Joan de Déu de Manresa. O conseller catalán d’Interior, Felip Puig, ha atribuyiu l’aturada cardiaca d’o deteniu a la suya actitut agresiva y a o sobreesfuerzo que habió de fer ta plantar cara a os achents, y ha qualificau de correcta l’actuación d’a policía catalana.

“Sin a resistencia, l’agresión y l’intento de fer-se con l’arma de bells d’os achents, o deteniu no habría teniu garra accident. A excitación, a violencia y a condición fisica comportón que en un inte dau tenese una situación sobrevenida como a conseqüencia d’un sobreesfuerzo”, asinas ha descrito Felip Puig as circunstancias d’a detención.

 

Seguntes Vilaweb, Sergio E.C., vecín de Manresa, teneba 13 ordens d’investigación y detención, y antecendents con os mossos y os cuerpos de policía espanyols. Se tracta d’un chóven de 34 anyos, y se l’acusaba d’un delito d’intento de resistencia grau contra os achents de l’autoridat. O deteniu y cinco policías estión trasladaus a l’hespital Sant Joan de Déu de Manresa. Os achents estión daus d’alta mientras o maitín d’o sabado. A familia ha interposau una denuncia contra os mossos.

Fuent: http://www.vilaweb.cat/noticia/3967056/20120101/mor-jove-manresa-sofert-aturada-cardiaca-detingut-pels-mossos.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.