Se presenta la exposición “Siempre Goya” en o Quarto espacio

A exposición, con 16 obras arredol d'a figura de Goya, durará dica o 2 d'aviento

Una d'as obras (Foto: DPZ)

Una d’as obras (Foto: DPZ)

L’Asociación de l’Esporte Escolar y Solidario (ASDES) presentó en a Sala Quarto Espacio d’a DPZ a exposición “Siempre Goya”, compuesta de 16 obras pictoricas y fotograficas de destacaus artistas aragoneses, que ferán un calendario solidario que se podrá mercar proximament.

Cadagún d’os artistas que i participa “reflexiona, chuga y executa a suya particlar anvista d’o pintor de Fuentdetotz“, que fa de filo conductor, sinyalan dende ASDES. Cada edición conta con un artista convidau que, en ista ocasión, ye o pintor aragonés Joaquín Pacheco. Tamién i serán atros nombres como  José Antonio Duce Gracia, Paco Pellicer y José Luis Cintora Romero.

A exposición se puet visitar dica o 2 d’aviento, en horario de martes a sabado de 11-14 h y 18-21 h, domingos y festivos de 11-14 h. Os lunes ye zarrau.

ASDES ye una asociación sin animo de lucro que se refirma en l’esporte ta financiar prochectos socials de integración y desembolique endrezaus t’as personas más esfavoreixidas. Iste obchetivos se consigue “gracias a becas t’a practica de l’esporte asignadas a esportistas de base, sin recursos y meyant aduyas t’amillorar as condicions de vida de ninos en redoladas precarias d’a planeta.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.