Se presenta o primer camin accesible en a Val d’Ordesa

Representants d'a D.Ch.A y de "La Caisa" presentoron ahiere o camín accesible d'o fundo d'a Val d'Ordesa dende l'aparcamiento d'a Pradera dica lo Puent de Cotatuero

Parti d'o camin acondicionau (Foto: D.Ch.A.)

Parti d’o camin acondicionau (Foto: D.Ch.A.)

O Director Cheneral de Conservación d’o Meyo Natural d’a D.Ch.A., Pablo Munilla, y o director d’institucions de “La Caixa” en Aragón, Ricardo Fer, presentoron ahiere as obras d’amillora de l’accesibilidat d’a Pradera d’Ordesa que contempla rematar o camín accesible ta discapacitaus que va por o fundo d’a Val d’Ordesa por a marguin cucha d’o río Arazas.

Ista actuación, que contina una primer fase prochectada en l’interior d’o Parque Nacional d’Ordesa y Mont Perdito, tien como fin amanar lo millor d’a naturaleza aragonesa aun colectivo de personas disminuidas fisicament que as suyas posibilidatz de gronxiar-se con o meyo natural s’amugan asoben por as caracteristicas d’o relieve y a manca d’accesos habilitaus.

Por ixo a primer fase de contrucción d’o camín entre a Pradera d’Ordesa y o Puent de Cotatuero, ha feito una amillora que pendeba en a construcción d’un camín de 220 metros lineals, 2 d’amplo con pavimento de formigón y remataus con mols de gomas y resinas que permite ir por l’entorno d’a pradera y aparcar-ie os vehiclos ta poder plegar sin dificultat dica la dentrada d’o debandito camín accesible.

D’atra man, en a redolada y aintro d’o mesmo prochecto de colaboración entre o Departamento d’Agricultura, Ganadería y Meyo Ambient d’o Gubierno d’Aragón y a Fundación “La Caisa” tamién se i han feito plaza t’aparcar exclusivas ta personas discapacitadas, s’han adaptau os servicios hichienicos existents y s’ha construyiu un vial accesible dica la cafetería-restaurant.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.