Se presenta un informe sobre a igualdat de chenero en a Universidat

Encara que as mullers son un 41 % d'o profesorau, d'entre os catedraticos no son que o 16 %.

En a Universidat de Zaragoza, as mullers son mayoría entre l’alumnalla (53%) y o personal d’administración y servicios (58%). Manimenos, ista situación cambea entre o profesorau, a on que nomás plegan a un 41% y son muito menos si charramos d’os catedraticos. Nomás un 16%.

Istos son beluns d’os datos que replega o Informe clamau “Diagnostico d’a situación en o tocant a la igualdat de chenero en a Universidat de Zaragoza”, que se presentó iste maitín de man d¡a Vicerrectora de Relacions Institucionals y Comunicación. O informe trestallaba a comunidat universitaria en quatre collas d’estudio: estudiants, profesorau, personal d’administración y servicios y “representación de mullers y hombres en organos de gobiernos y comisions d’a unviersidat”. En ista zaguer colla as mullers son minoría en quasi totz os organos de gobierno y representación.

L’informe preba de conoixer como ye a distribución d’os cheneros en a universidat y poder viyer a suya evolución mientres as anyadas. Sobre o profesorau, por eixemplo, se compreba que china chana va puyando o porcentache de mullers, dende un 36% en 1999, dica o 40,6 d’agora. Por collas d’edat, o porcentache d’hombres va puyando con a edat. A partir d’as 65 anyadas nomas un 17,3 % son profesoras.

Tamién por dembas bi ha esferencias. As mullers son mayoría en as dembas biomedica, humanistica y social, pero en a tecnica tasament pasan o 21 %.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.