Se presienta en Graus o libro y DVD de “Cosetas d’adentro”

Se bi incluye o relato, o guión y o curtometrache, tot en aragonés d'a Baixa Ribagorza.

portaladaIste viernes, dende as 18:00 se presentará en o Espacio Pirineos de Graus o libro y DVD “Cosetas d’adentro” de Lola Gracia. O relato ganó en 2009 un accesit d’o concurso de relatos Condau de Ribagorza y dimpués se’n fació un curtometrache en aragonés d’a Baixa Ribagorza. En a presentación bi serán, antimás de Lola Gracia, o vicepresident d’a DPH, Miguel Gracia, l’alcalde de Graus, Jose Antonio Lagüens y Chusé Aragüés, editor de Gara d’edizions.

O curtometrache se prochectó t’o publico por primer vegada en chunion de 2011 y dimpués s’ha iu fendo en atros lugars y ciudatz d’o país, con una sobrebuena acullida. Agora se publica iste libro – DVD a on que podremos trobar o relato, o guión d’o curto y o propio curto.

Cosetas d’adentro ye ambientau en a Baixa Ribagorza de l’anyada 1954. O protagonista ye un pastor pirinenco acompleixau que conoix a una muller que le fa, en as suyas propias parolas “sentir-se normal”. A traviés d’os suyos uellos se puet viyer a vida cutiana d’a redolada t’a part d’alavez. O curto se fació en qualques lugars d’a Ribargorza como Graus y Montanyana.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.