Se presienta en o Concello de Zaragoza una iniciativa por unas fiestas sin agresions sexuals

A Clau Roya, Febrero feminista y Puyalón de Cuchas proposan bellas midas d'actuación contra as agresions sexistas.

Presentación d'a propuesta (Foto: Puyalón)

Presentación d’a propuesta (Foto: Puyalón)

Mientres o maitin d’iste martes s’ha presentau en o Rechistro d’o Concello de Zaragoza una propuesta t’o suyo debat en Pleno con a fin de que o consistorio actue debant d’as numerosas agresions sexistas que bi ha mientres as fiestas d’o Pilar.

Laura Soteras, en representación d’o colectivo A Clau Roya, denuncia que “viyemos con preocupación a puyada d’as agresions sexistas que bi ha en os nuestros lugars y vicos con a enchaquia d’as fiestas”. Adhibe que “l’anyada pasada ya bi habió una agresión sexual a una choven por qualques personas en a redolada d’Interpenyas, antimás d’arrienda agresions fisicas y verbals que nunca no plegan a denunciar-se”.

María Añover, portavoz d’a organización independentista Pualón de Cuchas declara que “en istas agresions ye, d’una man, o silencio d’as victimas y a sociedat, a tradición en as fiestas como traza de lechitimación d’as agresions sexitas, d’atra, y ta rematar, nos trobamos con a victimización secundaria de man d’as institucions publicas encargadas de chestionar istas denuncias”.

Lucía Miguel, de Febrero Feminista i adhibe que “as propuestas que femos van endrezadas ta tres puntos basicos: sensibilización, formación y actuación debant d’as agresions sexistas. Por ixo proposamos a edición d’una Guida Ciudadana, un plan d’actuación debant d’istas agresions a on que s’habilite un numer especifico, personal especializau debant d’istas agresions y l’habilitación d’espacios informativos en os puntos d’a ciudat a on que vaiga a haber-ie más chent: Interpenyas, Val d’Espartera y o Casco Historico.”

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.