Se presienta Lektu, una nueva plataforma de descarga de libros

A plataforma ufre libros electronicos a pres más baixos d'o cutiano

capturaO maitin d’iste martes ha prencipiau a funcionar “Lektu”, una nueva plataforma de descarga de libros electronicos. Una d’as novedatz que incluye, ye que os ficheros no tendrán DRM (Digital Rights Management), bella mena de sistema anticopia. A plataforma naixe “con l’obchectivo de fer de puent entre editorials y lectors, una alternativa a lo panorama actual, dominau por os grans grupos y corporacions”.

A plataforma quier tamién fer más facil a venda a las editorials chicotas y meyanas, antimás de fer servir nueva vías de comercialización. D’entre ixas nuevas vías, destaca o pago con tweet, un metodo que permitiría descargar material de baldes, en publicar un tweet anunciando que se ye fendo, “deixando que sigan los mesmos lectors qui faigan publicidat d’as obras”, sinyala o director comercial d’a plataforma, David Fernández.

Entre os primers libros que s’han adhibiu en a plataforma, i son os cinco volumens escritos dica agora de Canta de chelo y fuego, as novelas en que se basa a popular serie de televisión Chuego de Tronos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.