Se publica “Caballos de labor”, novela ganadora d’o “Premio Maestrazgo” de novela curta

A novela ganó o VII premio de novela curta y ya se puet mercar en librerías

portaladaYa ye publicada a novela “Caballos de labor”, novela con la que Antonio Castellote Bravo, de Teruel, ganó a VII edición d’o Premio de Novela Curta Mayestrato, que da a Comarca d’o Mayestrato.

Ista premió surtió con a ideya de fomentar a escritura y a creyación litararia tenendo como exe o scenario d’o Mayestrato, d’una man, y espardir entre os habitadors o potencial literario d’o suyo territorio animando-les a participar-ie, esdevenindo de vez en creyadors y protagonistas d’as suyas novelas, d’atra.

Seguntes a opinión d’o churau, a novela “ye a historia de dos destinos que se barrachan, l’un forchau en a ciudat y atro en o lugar. Ye tamién un homenache a ixe Aragón rural, mezcla de tradición y modernidat, esmaixinau por o cantautor José Antonio Labordeta.”

Antonio Castellote, l’autor, treballa como profesor de Luenga y Literatura en un instituto de Madrit. Entre 2005 y 2009 publicó en o Diario de Teruel cinco novelas por entregasFabricación Británica, Los ojos del río, Una flor de hierro, Otoño ruso y La enfermedad sospechosa. En a primer d’ellas (Certeza, 2007) ya esleixió o Mayestrato como territorio de ficción, igual como en a novela curta  Los toros en invierno, incluyida en Geórgicas (Certeza, 2009). Ha escrito tamién los guions d’os documentals  Cajas Destempladas, El tiempo en la maleta, Un taller con mucha luz y d’a cinta Témpora y Violeta. Antimás ye l’autor d’o blog Bernardinas, adedicau a temas literarios.

En as edicions anteriors o premio le’n dioron a Días de cierzo, de Elifio Feliz de Vargas; En tierra de nadie, de Rafael Esteban Silvestre; Masía Muela, de Miguel Ángel Carcelén Gandía; El diablo en Cantavieja, de Raúl Rentero Mateos, y La memoria de los árboles, de Josefina Solano Maldonado.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.