Se revisa l’alcuerdo que perdonó a Goldman Sachs millons de libras

O banco deixó de pagar millons de libras que o gubierno britanico le perdonó dimpués

699px-Zürich.FraumünsterplatzO Tribunal Superior de Londra ha prencipiau a revisar l’alcuerdo fiscal por o que a Hicienda britanica deixó en 2010 que Goldman Sachs no abonase una deuda cifrada en 20 millons de libras (24 millons d’euros) debiu a intreses sobre un factura fiscal no pagada. A organización no gubernamental UK Uncut, que alportó a los tribunals iste alcuerdo, ha demandau a lo chuez que invalide o pacto.

Uncut argumentó debant d’o Tribunal que entre que o gubierno britanico “imposa midas d’austeridat a las personas más pobras”, as grans companyías “son estando absueltas de pagar millons de libras en impuestos”.

L’advogada d’a organización, Ingrid Simler, ha dito que a decisión de qui yera t’a part d’alavez o maximo responsable d’a Hicienda britanica, David Hartnett, de “estreitar a man” a Goldman Sachs crebó os suyos debers estatutarios“.

En o suyo diya Hartnett reconoixió que s’heba produciu un “error humano” por o que o banco deixó de pagar bells millons de libras que a la fin a Hicienda britanica decidió de perdonar.

A letrada ha sinyalau que ista decisión estió influyida por “a preocupación d’o sinyor Hartnett de privar a verguenya personal de Hicienda y de bells ministros”, entre ells o d’Economía, George Osborne.

D’atra man, a Hicienda britanica s’ha esfendiu alegando que un informe feito en 2012 por a Oficina Nacional d’Auditorias sinyalaba que l’alcuerdo estió “razonable”.

Simler ha remerau que l’alcuerdo estió aprebau a tamás d’o refús d’os mecanismos de revisión interna d’a Hicienda britanica que “identificoron a escape a error“, ha afirmau a letrada.

 

Fuent: http://noticies.sirius.cat/2013/05/es-revisa-lacord-que-va-perdonar.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.