Se sinya o nuevo convenio ta continar con a restauración d’a catedral de Tarazona

A catedral ye declarada Bien d'Intrés Cultural

Firma d'o convenio (Foto: D.Ch.A.)

Firma d’o convenio (Foto: D.Ch.A.)

Cinco institucions sinyoron iste viernes un nuevo convenio de colaboración ta prencipiar con a rehabilitación d’o Portico Mayor y o suyo entorno d’a catedral de Santa María d’a Huerta de Tarazona. O convenio ye establiu entre o Gubierno d’Aragón, a Diputación Provincial de Zaragoza, o Concello de Tarazona, o Bispau y a Fundación Tarazona Monumental.

L’actuación incluye consolidat os alazetz de l’atrio d’a catedral, saneyar as humedatz, restaurar  os rafes y a portalada y o frontón exterior. Tamién se protecherá contra las aus.

Tamién se va a actuar sobre los repuis arqueolochicos que apareixioron fa bellas anyadas mientres se construyiba una galería ta ixoriar y solucionar os problemas d’humedat. Istos repuis, dataus d’o sieglo IX, se impermeabilizarán y protecherán con a construcción d’un banco-lucana que permitirá viyer-los dende difuera. Os treballos tamién permitirán adequar y engudronar os accesos t’a Catedral dende a plaza recuperando l’aspecto que tenió l’antiga escalinata barroca.

A Catedral de Santa María de Huerta ye declarada Bien d’Intrés Cultural. Dimpués de quasi trenta anyadas trancada t’o publico y quince de complexas fainas ta restaurar-la, a catedral tornó a ubrir as suyas puertas o pasau mes d’abril.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.