Se troban anormalidatz tiroideas en recient naixius d’EEUU debiu a Fukushima

Dos anyos dimpués d'a esferra nucleyar chaponesa, os suyos efectos continan presents mesmo dillá de l'Ociano Pacifico, en a costa ueste d'os EEUU

Fukushima_I_by_Digital_Globe

Central de Fukushima dimpués d’o tierratremo. Foto: Digital Globe

Seguntes un estudeo publicau en a revista “Open Journal of Pediatrics” se contrimuestra que entre o 17 de marzo y o 31 d’aviento de 2011 o numero de casos d’hipotiroidismo conchenito en cinco estaus estadounidenses (California, Hawaii, Alaska, Oregón y Washington) estió un 16% mayor que no en o mesmo periodo de 2010.

En a costa ueste estadounidense se rechistró o maximo de plevia radiactiva bells diyas dimpués d’a esferra de Fuckushima en comparación con a resta d’o país norteamericano. Concretament se rechistroron dica 211 vegadas mas cantidat de concentración de yodo 131 (I-131) respective a o normal.

Iste yodo radiactivo s’acumula en a tiroides, o qual atrofia o creiximiento y o celebro d’os ninons, provocando mesmo cancer de tiroides. Os ninos y adultos pueden protecher-se-ne tomando yodo estable.

Un 44,2% d’os ninos y ninas examinaus en a redolada de Fukushima tien ista mena de problemas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.