Portalada » Archivos por categoria » Cultura (Page 4)
Naixe Transiberiano, un nuevo prochecto editorial en aragonés

Imachen d’a presentación (foto: @majovenromero)
Imachen d’a presentación (foto: @majovenromero)

Iste martes se presentó en o Centro de Historias de Zaragoza Edicions Transiberiano, un nuevo prochecto editorial que publicará obras en aragonés. Ta iste primer acto publico, Transiberiano decidió de prencipiar con a traducción d’o clasico d’a literatura aragonesa “Vida de Pedro Saputo”, de Braulio Foz, traduciu por Feliciano Martínez Tur.

Contina leyendo …
Exito d’o tretzeno descenso de navatas por o río Galligo

O tretzeno descenso de navatas por o río Galligo amostró a consolidación d’iste referent turistico en a Plana de Uesca. Un evento que contó de nuevas con muito publico tanto en a salida, en o Puent de Morillo de Galligo, como en a plegada en o puent de Santolaria. Os autos implioron toda a carretera […]

Contina leyendo …
O chuez imposa fianza de 66 millons d’euros a Victorino Alonso por o caso d’a espelunga de Chaves

O chudgau d’Instrucción numero 3 de Uesca ha notificau un auto d’o chuez de 14 d’abril de 2015 por medio d’o qual, acullindo as alegacions presentadas por Apudepa, desestima o recurso de Victorino Alonso contra a fianza imposada de 66 millons d’euros por o caso d’a espelunga de Chaves. Apudepa alegó contra dito recurso por […]

Contina leyendo …

A decena trobada de Star Wars en Anaheim (California, EE.UU.) estió o scenario esleixiu ta fer publico un nuevo trailer de “Star Wars. The Force Awakens”, a sietena cinta d’a saga prencipiada en 1977 con “Star Wars: a new hope” y que ye ambientada bella anyadas dimpués d’o que reconta “Star Wars: Return of the Jedi”.

Contina leyendo …
A sala d’o Teatro Arbolé celebrará 25 anyos con José Sacristán en “Caminando con Antonio Machado”

O venient lunes 4 de mayo se complirá 25 anyos d’a primer sala que a companyía zaragozana Teatro Arbolé inauguró en Zaragoza. Dende l’Actur dica l’actual y mas gran teatro en o Parque de l’Augua, s’ha representau en os suyos scenarios mas de 4.000 obras pa ninos y ninas, pero tamién pa publico mas adulto. […]

Contina leyendo …
Ha muerto l’escritor d’Uruguay Eduardo Galeano

L’escritor d’Uruguay Eduardo Galeano ha muerto con 74 anyos en a suya ciudat de naiximiento, Montevideo. Escritor y periodista de referencia, ye conoixiu más que más por a suya obra “As venas ubiertas d’America Latina”, a on que retrata a explotación de Latinoamerica dende o sieglo XV y que ha esdeveniu un clasico d’a literatura politica. Un libro que en 2009 Hugo Chavez regalo a lo president norteamericano Barack Obama mientres a cinquena cumbre d’as Americas.

Contina leyendo …
Ya se conoixe a programación d’as Chornadas d’as luengas d’Aragón

Ya ye publica la programación d’as Chornadas d’as luengas d’Aragón que organiza todas as anyadas l’asociación cultural Nogara. En ista XXII edición, s’ha prolargau a duración, plegando a las siet actividatz que se ferán entre os diyas 13 y 22 d’abril en o Centro Joaquín Roncal.

Contina leyendo …
Empecipia en Boltanya a VIII Muestra de Cine realizau por Mullers

Iste chueus empecipió en Boltanya a VIII Muestra de Cine Realizau por Mullers, organizau por o Grupo de Mullers de Sobrarbe. As procheccions, que tienen puesto en o Palacio de Congresos, se prolargarán dica o domingo. “Un viache a traviés de 20 cintas dirichidas por mullers. Curtometraches, largometraches, ficción, documental, cine de realizadoras de tot […]

Contina leyendo …
Premios muito repartius y firme reivindicación en os XVI Premios d’a Mosica Aragonesa

Con l’actuación de The Bronson, qui dimpués ganarían o premio a la mayor prochección, prencipió iste mierques a XVI Gala d’entrega d’os premios d’a mosica aragonesa, que tornó a celebrar-se en o Teatro Principal de Zaragoza. Os premios estioron muito repartius, trunfando Las Novias y Calavera con dos premios cadagún, en una gala que estió rebutient de reivindicacions.

Contina leyendo …
Ubierto o II Concurso de Haikus en aragonés

Dimpués d’a buena acullida que tenió a primer edición, o perfil de Facebook L’Aragoné en a Plana de Uesca organiza o II Concurso de Haikus en Aragonés, que ye ubierto dende fa bells dí­as en iste ret social.

Contina leyendo …