Portalada » Archivos por categoria » Especials » Eleccions europeas 2014
PP y PSOE ganan en Aragón perdendo arrienda votos

PP y PSOE ganan en Aragón perdendo arrienda votos

O PP ye estau lo partiu más votau en Aragón en as eleccions europeas con 127.834 votos (27,85 %), a poca distancia d’o PSOE que queda segundo con 111.641 (24,32%). Entre os dos partius suman bell poco más d’a metat d’os votos feitos en a chornada d’iste sabado. Istos resultaus son interpretaus como una gran redota en haber perdiu cadagún d’os dos grans partius espanyols decenas de millars de votos, respecto a las anteriors eleccions.

Puyalón fa un acto simbolico en esfensa d’Averly

“No hemos aprendiu cosa dende l’esboldregue d’a Torre Nueva, u d’a traza que s’amagó, talment ta cutio, lo vico de Sinhaya. Zaragoza contina apostando por a politica d’o ladrillo y a especulación frent a la conservación d’o Patrimonio de toda la ciudat”. Txema Royo, portavoz de Puyalón de Cuchas, ha amostrau o suyo total regús a lo prochecto d’esboldregue d’una parte important d’Averly, que se ferá “con a colaboración impllicita d’as institucions aragonesas, prencipiando por o Gubierno, que habría de encapezar a suya esfensa”.

Contina leyendo …
A siede de IU Aragón apareixe con tacas de pintura y veires crebaus

A maitinada d’o miercols t’o chueves, a siede de Izquierda Unida de Aragón, en Zaragoza, ye estada victima d’actos vandalicos que han deixau bells veires estricallaus y tacas de pintura rosa por toda la suya frontera. O partiu valura que istos actos “son una clara prebatina de interferir en a campanya electoral d’a Cucha Plural.

Contina leyendo …
A “Cucha Plural” exiche a democratización d’o Banco Central Europeu

A candidatura aragonesa d’a Cucha Plural ha denunciau os efectos d’a crisi d’o sistema de banca privada, fendo un mensache de recheneración democratica en as institucions financieras europeas, como lo Banco Central Europeu (BCE). “Os rescates son un sinyal d’o fallo d’o sistema bancario privau, que prioriza os suyos propios intreses antes que favoreixer l’intrés publico”, ha sinyalau Paco Iturbe. Asinas mesmo, o candidato independient ha exichiu que “lo primer habría d’estar que arribase o credito t’as familias y as interpresas, promover una economía productiva y no pas especulativa, como dica agora”.

Contina leyendo …
L’edificio d’o Concello de Zaragoza ferá campanya contra l’abstención en as eleccions europeas

A Oficina d’Información d’o Parlamento Europeu en Espanya ha trigau a cinco ciudatz ta tintar de color azula as fronteras d’atros tantos edificios publicos, incluindo-ie un clamamiento a la participación en as venients eleccions europeas d’o 25 de mayo.

Contina leyendo …
CHA reivindica en Alcanyiz os dreitos d’os animals

O dreito a lo bienestar animal y uns minimos de protección a regular en l’aria d’os dreitos y respeto a os animals han centrau os mensaches de CHA en l’acto que a coalición CHA-Primavera Europea ha feito en Alcanyiz (Baixo Aragón), en una mesa informativa que s’ha meso en a Plaza Espanya d’a localidat, con a participación de Santiago Sedeño, Coordinador Local d’iste partiu.

Contina leyendo …
Prencipia la campanya electoral t’as europeas

A nueit d’o chueves prencipió oficialment a campanya t’as eleccions europeas. Encara que l’ambien electoral ya leva bells meses calentando-se, os actos propiament de demanda de voto, prencipioron ahiere. A ciudat que esleixioron os partius ta fer os actos más potents estió Zaragoza, con prou diversidat de propuestas y scenarios, encara que bellas formacions tamién facioron actos en atras localidatz.

Contina leyendo …
Arias Cañete, candidato d’o PP en as eleccions europeas

Miguel Arias Cañete, actual Ministro d’Agricultura d’o gubierno espanyol, será o candidato sinyalau por o PP ta encapezar a lista d’iste partiu espanyol t’as eleccions europeas. Encara que ya muitas voces lo heban sinyalau como candidato, no ha estau dica iste miercols que s’ha feito publico.

Contina leyendo …
Ángela Labordeta charra en a presentación d’a coalición Primavera Europea en Madrit

Iste martes se presentó en o Círculo de Bellas Artes de Madrit, a coalición que encapeza, Jordi Sebastià (Compromís), chunto a Florent Marcellesi (Equo) y Ángela Labordeta (CHA) y que ye formada tamién por miembros de Por un Mundo Más Justo, Participa, Partido Castellano, Socialistas Independientes de Extremadura, Coalición Caballas (Ceuta) y Socialistas por Tenerife.

Contina leyendo …
Pablo Iglesias será o candidato de Podemos t’as eleccions europeas

Pablo Iglesias ye estada a personas trigada por más devintemil votos ta estar o capeza de lista de Podemos t’as eleccions europeas. dimpués d’o proceso de primarias feito por ista formación. D’os candidatos avalaus por os Roldes d’Aragón(seccions territorials u sectorials d’iste partiu) Pablo Echenique – Robba ha quedau cinqueno en numer de votos ta capeza de lista y quarteno t’a fer-ne parte. A lista electoral finitiva alternaría mullers y hombres, quedando-ie o cinqueno.

Contina leyendo …
Pachina 1 of 212