Portalada » Archivos por categoria » Redoladas » Baixo Aragon (Page 2)
Europa advierte sobre a necesidat de cumplir as Directivas marco en o caso de l’entibo de l’Alcherez

CHA ha tresladau a la Comisión Europea una iniciativa ta conoixer a suya posición respective a o prochecto de construcción d’un entibo en o río Alcherez. Dende a Comisión Europea, en respuesta escrita, se sinyala que se desconoixe iste prochecto pero que, de qualsiquier traza, debe complir as condicions establidas en a Directiva sobre habitats […]

Contina leyendo …
Auguaviva se manifiesta contra o prochecto d’entibo en o río Alcherez

A localidat d’Auguaviva se manifestó o pasau sabado en contra d’o prochecto d’a Confederación Hidrografica de l’Ebro (CHE) d’un entibo de laminación en o río Alcherez. Arredol de mil personas i asistioron, tanto d’a localidat como d’atros puntos d’Aragón, Catalunya y Valencia. Destacar a presencia de miembros de qualques partius politicos, sindicatos y atras organizacions […]

Contina leyendo …
‘El Bergantes no se toca’ convoca una manifestación pa iste sabado

A plataforma vecinal ‘El Bergantes no se toca’, continando con o suyo quefer de mobilización contra o prochecto d’a CHE pa la construcción d’una presa de laminación en o río Alcherez (Bergantes en castellano), convoca una manifestación pa iste sabado 10 d’agosto en Auguaviva. A chornada reivindicativa prencipiará a las 18.00 horas, con una concentración […]

Contina leyendo …
O polemico cartel de fiestas d’Alcanyiz declarau nulo por o suyo concello

O cartel d’as venients fiestas d’Alcanyiz (Baixo Aragón) será disenyau por un artista local y no será o que ganó lo concurso convocau o pasau mes de chunio. O concello lo ha decidiu asinas, dimpués d’a polemica creyada en ganar o debantdito concurso un cartel feito por a Plataforma en Esfensa d’os Servicios Publicos d’o Baixo Aragón Historico, a on que se viyeba un lazo negro arredol d’una foto de l’hespital d’Alcanyiz.

Contina leyendo …
Una exposición commemora en Alcanyiz os cient anyos d’o descubrimiento de Val del Charco del Agua Amarga

L’abrigo Val del Charco del Agua Amarga, un d’os millors conchuntos d’arte levantino de tot Aragón, ye de cabo d’anyo. Fa cient anyos dende que estase descubierto por o notario de Val d’Algorfa, Carlos Estevan. Pa commemorar iste centenario dica o 21 de chulio a sala d’exposicions municipal d’Alcanyiz aculle una muestra que permite descubrir […]

Contina leyendo …
O Concello d’Auguaviva apreba por unanimidat a moción contra l’entibo en l’Alcherez

O Concello d’Auguaviva aprebó en sesión plenaria o pasau sabado, 6 de chulio de 2013, a moción que a semana pasada heba rechistrau a plataforma vecinal “El Bergantes no se toca” solicitando un posicionamiento claro en contra d’a construcción de l’entibo en l’Alcherez. A decisión estió presa por unanimidat de totz os concellers actualment en […]

Contina leyendo …
A plataforma “El Bergantes no se toca” entrega 3.300 alegacions contra l’entibo d’Auguaviva

Mas de 100 personas s’han congregau iste maitín debant d’a siede d’a CHE en Zaragoza ta entregar as mas de 3.300 alegacions. A plataforma “El Bergantes no se toca” ha replegau en tant solament cinco días as alegacions contra o prochecto de l’entibo de laminación en o río Alcherez (Bergantes) d’Aguaviva. As alegacions han estau […]

Contina leyendo …
CHA s’oposa a la construcción d’un entibo en o río Alcherez

O Consello Nazional de CHA alcordó ista semana o suyo refús t’a construcción d’un entibo en o río Alcherez (en catalán y castellano, Bergantes), afluent d’o Guadalope, dimpués de que a Confedereación Hidrografica de l’Ebro anunciase ista obra. Ángel Hernández, vicesecretario de CHA en o Baixo Aragón ha remerau que “a cuenca d’o Guadalope ya ye hiperregulada y que o Bergantes ye un río con arrienda de chent que lo visita y que lo fa servir como zona de banyo y ta pasar-ie o rato y que destaca por a polideza d’a redolada”.

Contina leyendo …
O PSOE critica o ritmo d’as obras d’os hespitals d’Alcanyiz y Teruel

O portavoz de Sanidat d’o PSOE, Eduardo Alonso ha criticau iste lunes o ritmo d’as obras y a chestión d’o gubierno en a construcción d’os nuevos hespitals de Teruel y Alcanyiz. Seguntes Alonso, o modelo hespitalario se ye copiando d’o gubierno de Madrit d’Esperanza Aguirre: “No podemos copiar y fer aquí lo que ha fracasau en Madrit”, ha dito.

Contina leyendo …

Albalat de l’Arcebispe, Alcorisa, Andorra, Ixar, La Puebla d’Ixar,Sant Per de Calanda y Urreya de Gayén facioron en a meya nueit d’o chueves a suya tradicional “rompida” a on que o silencio se torna un furo estrapalucio en plegar as dotze d’a nueit. Calanda lo ha feito iste viernes de meyodiyas con a firme presencia de turistas y visitants. Alcanyiz ye l’unico lugar d’a Ruta d’o Tambor y o Bombo que no tien ista tradición, encara que por as suyas carreras ya se pueden sentir os toques que se prolargarán dica o sabado.

Contina leyendo …
Pachina 2 of 512345